October 28

Skrapnel deur Irma Venter

***Waarskuwing: As jy nie die einde van Skoenlapper gelees het nie lees verder op jou eie risiko. ***

Skrapnel

Skrapnel is Irma Venter se tweede roman wat net mooi op tel waar Skoenlapper af geëindig het. Alhoewel ek gehoop het Ranna en Alex kom bymekaar uit het dit nou nie so uitgewerk nie. Ranna het weggehardloop en sit in Indië. Ek kan haar nie blameer nie, sy word tog gesien as ‘n reeksmoordenaar – hoe kan hulle dan ‘n toekoms saam hê? Ten spyte van dit haal die verlede haar in en Alex word in die middel vasgevang. Ons gunstelling rekenaar geek, Sarah Fourie, is op Ranna se spoor aangesien sy die enigste een is wat kan help om Alex terug te kry. Sonder om te veel weg te gee sal ek net sê die soektog na Alex is vol interessante draaie wat elke keer iets van Ranna se verlede ontbloot. Continue reading

February 21

Seisoen van Sonde deur Chris Karsten

Seisoen van SondeSeisoen van Sonde deur Chris Karsten
Gepubliseer in 2009
Uitgewer: Human & Rousseau
Genre: Spanning
Bladsye: 333
Bron: Self aangekoop by Exclusive Books
Samevatting:
“Op die hakke van die wykende storm dryf aanlandige winde, nou meer bedaard, ’n lae misbank oor die kus. Uit hierdie newels doem twee oesterplukkers vroeg die Saterdagoggend op uit die rigting van Swartvlei se monding. 
Een kom skielik orent, roep na sy maat. Hy wys na die dynsige figuur teen die paal by die duin. Hy meen dit is iemand wat op die vroëe oggend daar rus, met sy rug teen die paal, gesig na die see. Hulle eerste instink is die hasepad. Maar ’n inspekteur kan dit nie wees nie, nie met hare wat so lank en blond in die wind warrel nie. Die stil figuur kan hulle nou uitmaak. ’n Kaal vrou. Haarslierte gekoek van sand en sout en wind. In hoogwater moes die branders oor haar gebreek het. Haar vel het die kleur van lood, asof sy aan erge koue blootgestel, of dood is.”

Die polisie soek na ’n reeksmoordenaar. Die eerste lyk, die van ’n vrou, is na ’n storm op die rotse gevind – vasgebind aan ’n paal en met haar mond toegewerk. Die lyke wat volg, is elk op nog meer bisarre wyse agtergelaat. Die moordenaar, Jack, is sistematies besig om mense te elimineer vir sy enigmatiese meester, Minos. Die laaste slagoffers op Jack se lys is Wim, ’n skoenlapperboer naby Wildernis, en sy assistent, Portis. Albei het in die apartheidsjare te doen gehad met ’n regeringsprojek genaamd Antenor. 

Continue reading

September 16

Boekklub: Skoenlapper deur Irma Venter

Skoenlapper_reviewSkoenlapper deur Irma Venter
Gepubliseer in 2012
Uitgewer: Human & Rousseau
Genre: Raaisel/Spanning
Bladsye: 328
Bron: Self aangekoop by Exclusive Books
Samevatting:

Alex het ‘n teorie oor chaos. Waar hy ook al gaan, volg dit hom, en dit kom al van lank voor sy joernalisdae af. By ‘n troue iewers tussen Dar es Salaam en Arusha ontmoet Alex vir Ranna, ‘n vryskutfotograaf met ‘n bos swart krulhare en ‘n verlede waaroor sy nie praat nie. En soos gewoonlik haal die chaos vir Alex in. Eers begin dit reën sonder ophou, en dan spoel die lyk van ‘n Amerikaanse IT-biljoenêr op ‘n strand uit. Skielik blyk dit Ranna het rede om haar verlede weg te steek. Waarom anders stel die polisie in haar belang?

Continue reading